Szkubki Boła takoł pora kiedy prziroda snym zimowym poszła spać Na dworze blank bioło a matka komu trza dali znać Prziszoł czas na piyrza szkubanie Z kierego modoł pani pierzina i zegłowki dostanie W papiyrowym miechu piyrze na piekaroku się suszy Bajtle go nie tykajom bo matka naciongnie uszy I przychodzom baby do szkubania tak zwane szkubaczki Gdowy stare panny i take co niy majom roboty – somsiadki We kuchni na stole wysypane piyrze Dołokoła posiadały baby i kazujom zwiyrać dzwiyrze Szkubiom piórka do miski a kotuchy na ziymia ciepiom A przi tymu ciyngiym ło wszystkim klepiom Łosprawiajom ło tym co tam we wsi nowego Kieroł dziołcha mo synka szwarnego Wtory zaś to łożyrok i nicpota Łazi na zolyty a mo prozne kabzy w galotach Kiery niedowno leżoł w krzikopie I tak po kolei ło każdym chopie Frelkom tyż nieroz się dostało Ta łołtawica a ta chodzi do kojścioła za mało Gołdajom tyż ło tym wto na co zachorzoł Poczamu tyn cukier tak fest podrożoł Ło wielgim świecie co się w polityce dzieje Jaki wiater i z kieryj strony wieje Poczamu choć nic niy jom na brzuchu fetu przibywo A dycki z komory chleba i wyndzonki ubywo Czy te Chinczyki Europa zaciepiom czopkami A jak kometa sleci co to bydzie z nami Jak to Rusy wlejźli i mode dziołchy goniyli Łojcowie je po górach i pywnicach kryli Starka spominali jak to blank piyrwy sie żyło Małe łokiynko w izbie sie zopaskom zakryło Wieczorami przi karbitce cołko rodzina siedziała Noce boły duge to dużo dziecek matka miała Tymatów do gołdki nie brakuje A tu już gospodyni bonkawa szykuje Do kawy kreple kołoczyki abo inne maszkyty A i dzieci zarozłki znodły się przi tym Potym dali szkubanie babka opowiadajom o bebokach Bojki o szczigach łognistych kulach i utopkach Zaczarowany świat – bajtle suchajom z łotwartymi gębami Mija czas – białego puchu ubywa i wtoś inny dzieli się wspomnieniami Przi tym szkubaniu boło w doma kupa marasu Śpiywy żarty – kobiyty niy marnowały czasu Chopcy niyroz ćojś na bzdury zrobiyli Kokota abo wróbla do piyrzoł wpujściyli Piyrze furgało – larma i kwiku boło wtedy kupa Aże się trzynsła w posadach chałupa Na doszkubek kołocz z płonkami sznity knoblołszka do tego Ażeby boło wesoło to coś łostrego Wystawnoł i wesołoł boła ta gościna Ale tego wartoł boła pierzina Terołzki alergie ekologia i insze mecyje I łojciec nie ciyrpi jak go bachratoł pierzina przikryje W domach hajcongiwystarczy kołderka syntetyczna I cieniutka cieplutka pościel ekologiczna Bernadeta Suliga |